CAMPING/CRUSADE CHUNGCHANGA KNP TE HRIAT TUR
Dt. 17th – 19th August, 2018 hian KNP ten Camping/Crusade neih a ni dawn a. Speaker-ah TBC.Zaithanpuia, BCM Shalom, Aizawl a ni ang. Dt.17.8.2018 (Zirtawpni) hian kum 9 chin chunglamte riah luh tur a ni a, a tuk dt.18.8.2018 (Inrinni) tlai dar 2:30 ah chhuah leh tur a ni ang.
Hriattur pawimawhte:
1) Kum 9 chin chunglam chu riak luh tur a beisei an ni a. Mahse, riah hran hreh an awm chuan hriatthiam an ni ang, kum 9 la tlinglo te pawh riak lut duh an awm chuan phalsak an ni bawk ang.
2) Dt.17.8.2018 (Zirtawpni) tlai dar 5:00 – 5:30 ah registration tihfel vek tur a ni a, chaw eisa a luh tur a ni ang. Hemi tlai vek hian, lânga kal turte pawh dar 6:00 P.M. hian Biak In thleng hmana kal tur a ni a, zanah hun hmanpui nghal an ni ang. Nu leh pa ten lânga kalte hi zan dar 8:00 P.M. ah lo hruai leh tur a ni ang.
3) Riak lut a kal turte leh langa kal tur ten buhfai no 1 `heuh ken bawk tur a ni, KNP T-shirt hak vek bawk tur a ni ang.
4) Dt.18.8.2018 (Inrinni) ah hian langa kal te, zing dar 6:15-ah Biak In thlen leh vek tur a ni. Campers-te rualin zingah chaw an ei ve nghal ang.
5) Dt.18.8.2018 (Inrinni) tlai dar 2:30 ah Campers-te an chhuak ang.
6) Dt.19.8.2018 (Pathianni) chawhnuah follow-up programme hman a ni ang.
7) Riak lut turte hian Biscuit bak eitur dang ken luh phal a ni lo. KNP T-shirt bakah mutnaa hak tur bak thawmhnaw ken luh loh tur.
STK: CAMPING & CRUSADE COMMITTEE
SAWMNA LEH HRIATTIRNA
Serkawn Tualchhung Kohhran chuan kan hma lawk dt. 4th – 15th, September 2018 chhung hian Laldenga Park, Kawmzawl-ah Camping a buatsaih dawn a, Rawngbawl turin Rbt. R. Lalrinliana leh Deriela Team-te an ni ang. Camping hi vawi 2 neih tum a ni a, Camping hmun hma-in min zawh tawk ni a kan hriat Camping vawi khatah seat 30 aia tamlo hawn a ni dawn a ni. Registration Fee hi mi pakhat tan Rs. 50 zel a ni ang a, a hun hma lama Registration ti duh tan Pre-Registration pawh a hnuaia hming tarlante hnenah hian tih theih reng a ni ang :-
1) Upa C.Lalzarmawia, Chapman Colony
2) Upa K.Lalnuntluanga, Lorrain Colony
3) Rbt P.C.Lalhmunliana, Savidge Colony
Seat Limit awm a nih avangin Registration ti hmasa apiang ngaih pawimawh an ni ang.
Nun tuihal, Ruihhlo leh Sual bawih a tângte nun thar neih duh tan te, Siamthar lehna, Harh Tharlehna leh Simna Nun, Nun thar nei duhte chu Camping-ah hian lo lut ngei turin kan in sawm a ni.
“Hmuh awla a awm lai hian Lalpa chu zawng ula, a hnaih lai hian ko rawh u” Isaia 55:6
“Ngai teh u,tun hi hun lawmawm chu a ni a; Ngai teh u, tun hi chhandamna ni chu a ni” II Kor. 6:2.
Sd/-
(C.LALZARMAWIA)
Secretary,
STK:Camping & Crusade Committee