BMP HRIATTIRNA
Dt 13.3.2018 (Tuesday) Zan dar 7:00 ah hian kan member pui Upa R.Hrangkunga ralna neih tur a ni a, BMP member zawng zawngte kim taka kal turin kan in ngen a ni e. Tin, Thawhlehni zana BMP Zaipawl ten hla zir tura kan ruahman chu Ralna Programme a awm dawn avangin thulh a ni.
SUNNA
Kan kohhran member duh tak Upa R.Hrangkunga chuan ni 7.3.2018 khan chatuan ram min pan san tak avangin, a kalsan tak a chhungte kan tuarpuiin Lalpan thlamuanin awmpui zel rawh se.
BCM ASSEMBLY 2018
Mizoram Baptist Kohhran pumpui huapin rorêlna a awm a, chu rorêlna chu ‘Mizoram Baptist Kohhran Assembly’ a ni, a tawi zâwngin ‘Assembly’ tih a ni . Assembly chu Mizoram Baptist Kohhran rorêlna sâng ber a ni.
BCM ASSEMBLY Member-te:-
a) Thlan ngai lo (Ex-Officio) memberte : Minister-te, Pastor- te, Probationary Pastor-te, Department Head-te, Headquarters-a Institutions Head-te, MBKHP Organizer-te, MTKP Organizer-te, Assembly Executive Committee member- te, ABC Chairman leh Secretary-te, Bial Chairman leh Secretary-te, MTKP leh MBKHP aiawh pakhat ve ve leh Tualchhûng Kohhran Chairman leh Secretary-te.
b) Thlan member-te : Kum tinin Bial Rorêlnain a Bial chhûnga member puitling 500 (zanga) zêlah Assembly-a palai tûr member pakhat Puipa nghet zîng atangin a thlang ang.
c) Co-Opted Member :- Headquarters Office Superintendent, Communications Departmenta Executive Editor, Editor leh Audio-visual Manager-te chu Co-opted member atân sâwm thin an ni ang. Hêng bâkah hian a tûl dân azirin BCM Puipate inberâwnin Co-opted member an sâwm thei ang. Co-opted mem ber-te chuan member-te ang bawkin ngaihdânte sawiin vote an nei thei ang.
d) Chhimtu (Observer) : Assembly member ni lo, mi pawimawh Assembly chhim duh an awm chuan BCM puipate inberâwnin chhimtu (observer) angin an teltîr ang a, thutna tûr bîk ruatsak an ni ang. Sâwm an nih loh chuan thu an sawi thei lo vang a, vote pawh an nei lo vang.
BCM Assembly vawi 122-na chu March 7-11, 2018 ah Mizoram Baptist Kohhran Biak In, Zotlang, Lunglei-ah neih mek a ni. Kumin Assembly thupui tur chu “I ram lo thleng rawh se” tih a ni. Assembly-ah hian Rorel Palai kal thei tura beisei zat hi mi 1000-1200 vel an ni.
ASSEMBLY PROGRAMME
Pathianni chawhma Rev. Lalbiaksanga Chinzah, President, BCM (Ordination Service)
Pathianni chawhnu Rev. H. Vanlalruata, Lalpa zanriah(Sacrament)
Pathianni zan Rev. Lalbiaksanga Chinzah, Pathian ram lo thlen famkimna