-K Hrangchhunga
Hremhmun leh meidil hi tam tak chuan thliar hrang lovin thhil thuhmun emaw kan ti mai thin .Hebrai hote tho LEILAWT-te,tin abik taka ,vantirhkoh sual hite tentirna khuar khurum te ala awm cheu a ni(II Petera 2 :4). Hremhmun hi chatuana misualhote hremna tur ala ni mai lova, misual thi tawhte an chungthu rel hmabaka tuihal dang chara na tuar reng renga hremna tawk chauh ala ni. Chutiang bawkin, mifel thite thlarau kalna chu an sawi thin. Jerusalem thar emaw vanram emaw ala ni mai bik lova, ‘Abrahama angchhung’ ti a sawi a ni (Luka 16:19-26).
Mi hausa pa leh Lazara chungchangah fiah takin misual leh mifel thih hnua thlarau kalna zirtir kan ni a, hemite chanchin hi thawnthu leh tehkhinthu mai a ni lova, mihring awm tak tak chanchin a ni. Mi hausapa hi a hming kan hre lova, a damlaiin nuam tinreng tawlin a khawsa a, Lazara thung chu rethei tak leh pan nasa tak vei chungin mi hausapa ei ningnawi changin a awm a, chupawh uicho hoten an chhar khalh zel a, a chan hi a rapthlak hle mai. Nimahsela, “Mihring tan vawikhat thih ruat ani a, chumi hnuah rorelna a awm ang” tih chu an pahnih achungah a lo thleng a. danglam thei tawh reng renglo an thlarau chan chu a dang ta zar mai le.!!. Lazara chu Abrahama angchhung (paradise) ah nuam takin a khawsa ta a, mi hausa thung chu hrehawm tak leh tuihal huam huamin mitthi khuaah chuan a awm ve ta a ni. Mi hausapa awmna hremhmun leh lazara awmna “Abrahama angchhung” hi an in hmu tawn thei reng a ni awmin a lang a, amaherawhchu in kal pawh thei reng reng lovin an inkarah lei kak thuk takin a dai dang tih kan hre thei a. Abrahama angchhung hi chu tunah chuan a ruak a ni mai thei e, a chhan chu lal Isua thih hnu khan a thlarau chu he Abrahama angchhungah ni thum leh zan thum zu awm ve in a rawn thawh leh erawh chuan amah maia lo tho lovin Thuthlung hlui lama mi thianghlimte a rawn thawhpui a, chuta tang chuan Paradide chu chung lamah rawn sawn chhovin a awm ta a ni (Matthaia 27 : 51-53) (Ephesi 4:9). Mi hausapa erawh a awmna ngai hremhmunah chuan na tuar reng rengin rorel sak hmabakin a awm ta a ni. MEIDIL erawh chu hremhmun ai chuan nasa ngialin ala rapthlak zawk a, mei leh kata kang hluah leh so but but chu a ni. Ringlo thite thlarau zawng zawng thawhleh hun a lo thleng anga, mi hausapa tiamin lal thutthleng var hmaa rorel an tawk ang a, chutah an nunna (soul) leh thlarau (spirit) chu thiamloh changin chatuana kang tur meidilah an paih dawn a ni (Thupuan 20: 14). Kan hriattur pawimawh tak a awm a, chu chu Pathian hian mihringte chatuana hremna tura meidil hi a siam a ni lova, setana leh a hote hremna tur liau liau a a siam a ni a, mihringte erawh chu he meidil ah hian an kal ve phal lovin an sual man bat zawng zawng chu ama fapa thisen hmangin krawsah alo hrem ta a, chu a thlawna chatuan nunna lak mai theih kan duh tlat loh erawh chuan kan tan a siam ni hauhlo Setana leh a hote hremna meidilah paihin kan awm ngei ang.