KRISTA-AH AMEN A NI E
Sangtea Gangtus Khiangte
Amen tih hi mi tam tak chuan tawngtai tawp kharna ang deuh chauhvin kan ngai niin alanga, khawvel tawngkam hman lar ber a ni hial mai thei a ni. Amen chuan Thusawi pawmpui thlapna, Nemnghehpuina, chiang, nghet, dik, rinawm, tlo, chutiang tak chuan ni rawh se, tihnate a kawk berin sual thu-ah te fel thu ah te, Nun tha zawk, hmasawnna kawng a chakna hnar hmanrua vanlam tawng kan neih a niin ka hria.
KRISTA-AH AMEN chu enge ni ta? Pa, Pathian chatuan thil tum leh ruat lawk sa. Genesis 1:1 atanga Thupuan 22:21 thlengin, Van indona, setana paihthlak, bawhchhiatna, Pathian rilru nat phahna Gen 6:6, Missionary hnathawk hmasa ber (hmangaihna avang chauhvin) Gen 3:9, chhandamna tur atan inthawina sa, dan sawm pek, aiawh tur zawnna, Sam 102;18-19, amah leh amah inti tlawma, mihringah lo piangin tlawmna leh thuawihnain ran thleng leh idol/hero life, thing anchhedawng leh van lallukhum in zawm a, khawvel tan a hmangaihna, khawngaihna a lan chhuah tirna Pa, Pathian Lungawina chu Fapa ISUA KRISTA-ah famkimin, SUAL HNEHNNA chu kan tan chhandamna Isua krista-ah Amen a ni ta a ni. Khawvel(mihring) suala boral mai tur chhandamna, Rinna, beiseina, tlanna, inthawina, simna, baptisma, kraws, tuarna, malsawmna, anchhia, lawm hlimna, thawhlehna thiltihtheihna, siam tharna, chhelna, khawharna, hrehawmna, hausakna, finna, hmasawnna kawng tam tak bible in min hrilh a, chung zinga KRISTA-ah AMEN ka pekna thenkhatte Bible atangin (Rinna leh beiseina nen vek a ni); Fakna leh Chawimawina lam chu khêl lova kan tih tur Amen kan pekna tur a ni e.
1. Sualna leh anchhia (nunhlui ze tha lo vah), i ni min tih naah(Rom 3) Krista-ah Amen ka pek hi a awm reng a ni.
Inpawmna a ngai si a. Deut 27:11-26
2. Lal a nihna leh Thupek leh Thutiamah : Gen 19:17, Gen 2:17. I ei chuan I ei ni la la in I thi tur a ni. Daniela 3:17,18 thusawmpek (Duet 5). Lalpan, Krista-ah eng thu nge tiam a neih ve che le.
3. Tuarna leh Hrehawmna (khawharna); Rom 5:3, Mat 26 :39 thuawihna, chhelna, thinurna, sawichhiatna, tihelnaah Amen a ni.
4. Chhandamna leh kross thihna leh thawhlehna thuam inbelna ah. Serhtan chung chang hmun biru lai tak hi Lalpan a duh in, in serh thianghlim a ngai. Mahse bawlhhlawh tak hlir a ni. Chhiar tur Gen 17;10, I Kor 7:19, Philipi 3:3.
5. Dilna, malsawmna–ah Sam 19:14:20; 1-5.
Rose kuh mum hi ei chhetu awm lo chuan mawi takin a par thin. Kan nun hlui chu eng pawh ni se la, nun hmasawn turin leh he ti maia chhandam ka nih avanga lawmthu hril chungin Playground-ah kan khawsa a ni mai lova, thinlung battlefield-ah kan awm a ni tih in hriain, chatuan nun bul chu Krista-ah Amen a ni e kan ti thei dawn em? Tirhkoh Pawla chuan tuarnate, lawmnaahte, engkimah lungawi zel ka ching tawh sia Krista-ah Amen a va ni em. (Phil 4:11) Rom 12:1-2. Heng thute khi Krista-ah Amen a ni e.