-RK Rohmingliana
Bible verses: Luka 4:7, Jakoba 4:4&5, Matthaia 22:36, Thupuan 3:15-16
Kan nuna pawimawh ber pakhat nia ka hriat chu Pathian chibai kan buk hi a ni. Thil eng pawh hi kan tan pathian an ni thei, eng thil pawh kan hun tam ber leh tha ber kan pekna apiang hi kan tan pathian lemah kan siamin chibai kan buk palh thei a ni. Pathian laka kan rilru leh ngaihtuahna ti hrang thei leh la peng thei thil te hi chibai kan lo buk palh reng thei a. Tunah hian i rilru, i hriatna, i ngaihtuahnate kha Pathian Thu hnuaiah nge a awm i hriatna hnuaiah? I hriatna khan a thunun chein a khalh kal reng thei che a ni.
Thenkhat chuan kan hriatnate hi kan lo pathian reng thei a ni, Luka Bung 4 thu hi i ngaihtuah teh ang u. Lal Isua’n thlalera ni swawmli leh zan sawmli chaw a nghei laia setana’n a thlem chungchang kha ngaihtuah ila. Thlemna hi kan la tawk theuh dawn a, kan la tawk ngei ngei dawn a ni. Thlemna pumpelh thei khawpa Thlarau mi a awm theih loh. Hmelma pa setana chuan Lal Isua hnenah, “tun chauh chibai mi buk la” tiin a thlem a. Lal Isua chuan “Lalpa i Pathian chauh chibai buk la, Ama rawng chauh bawl rawh tih ziak a ni” tiin a chhang a nih kha. Hmelma pa hian amah chibai kan buk hi a duh ber a ni a, Pathian chauh ni lo thildang chibai buk tur pawhin hmelma pa setana hian min duh a. Tuna kan chen mekna khawvelah hian min tibuai thei leh Pathian kan ngaihsakna ti dal thei a va tam em! Ding taka Pathian lam kan ngaihtuah theih lohna chhan pawh hi buaipui tham a ni a. Mi thenkhatte chu second 30 lek pawh ding taka Lalpa lam ngaihtuahin an tawngtai thei lova, an buai hial thin a ni. Hetianga kan awm thin nachhan hi Lalpa kan dah pawimawh hmasak ber thin loh vang a ni. Kei pawhin hetiang hi ka lo tawng tawh a. Lalpa lam ngaihtuah ding theihna min pe tura Lalpa kan dil a, kan tawngtai thin a ngai a ni.
Tunah hian, i nuna Pathian dah pawimawh hmasa ber tura ka tih che hian i nunah thildang ngaih pawimawh hmasak i nei ngei ngei ang. Chuvangin Pathian chuan i nunah khan thildang aiin Amah hi ngai pawimawh hmas ber turin a duh che a ni. Pathian Thu chuan min tihnawk apiang paihthla a, Lal Isua chauh en turin min hrilh a. Kan rinna siamtu leh ti famkimtu chu i ngaihtuahna, i titi naah, i hun hman danah, leh i nitin nunah Amah chauh ena dah hmasa turin a duh che a ni.
Matthaia 22:36 ah khan thupek ropui ber chu engnge ni tiin mi pakhatin Lal Isua a zawt a.“Lalpa, i Pathian chu i thinlung zawng zawngin, i thlarau zawng zawngin i rilru zawng zawngin i hmangaih tur a ni,’ tiin a chhang a. Hemi tuma Isua sawi tum ber hi engkima Pathian dah hmasak ber thu tho hi a ni. Kan Pathian hi kan ral hmang, phuba la thin, thikthu chhia a ni a. Pathian thikthu chhiat dan hi keini mihringte kan thikthu chhiat dan dik lo ang hi a ni lo. Amah aia thildang i ngai pawimawh lutuk emaw, i innghat lutuk emaw, mihring tu emaw kha i tan Amah (Pathian) aiin a pawimawh ta lutuk emaw a nih chuan A lakbo sak loh theih loh hun che a thleng thei.
Keimahniah Pathian hian inpuanchhuah duh thin mahse, Amah hi kan hlat thin a, hun kan pe thei lo thin a, thildang kan dah pawimawh hmasa leh thin a ni. Hetih lai hian Pathian Bible verses: Luka 4:7, Jakoba 4:4&5, Matthaia 22:36, Thupuan 3:15-16
Kan nuna pawimawh ber pakhat nia ka hriat chu Pathian chibai kan buk hi a ni. Thil eng pawh hi kan tan pathian an ni thei, eng thil pawh kan hun tam ber leh tha ber kan pekna apiang hi kan tan pathian lemah kan siamin chibai kan buk palh thei a ni. Pathian laka kan rilru leh ngaihtuahna ti hrang thei leh la peng thei thil te hi chibai kan lo buk palh reng thei a. Tunah hian i rilru, i hriatna, i ngaihtuahnate kha Pathian Thu hnuaiah nge a awm i hriatna hnuaiah? I hriatna khan a thunun chein a khalh kal reng thei che a ni.
Thenkhat chuan kan hriatnate hi kan lo pathian reng thei a ni, Luka Bung 4 thu hi i ngaihtuah teh ang u. Lal Isua’n thlalera ni swawmli leh zan sawmli chaw a nghei laia setana’n a thlem chungchang kha ngaihtuah ila. Thlemna hi kan la tawk theuh dawn a, kan la tawk ngei ngei dawn a ni. Thlemna pumpelh thei khawpa Thlarau mi a awm theih loh. Hmelma pa setana chuan Lal Isua hnenah, “tun chauh chibai mi buk la” tiin a thlem a. Lal Isua chuan “Lalpa i Pathian chauh chibai buk la, Ama rawng chauh bawl rawh tih ziak a ni” tiin a chhang a nih kha. Hmelma pa hian amah chibai kan buk hi a duh ber a ni a, Pathian chauh ni lo thildang chibai buk tur pawhin hmelma pa setana hian min duh a. Tuna kan chen mekna khawvelah hian min tibuai thei leh Pathian kan ngaihsakna ti dal thei a va tam em! Ding taka Pathian lam kan ngaihtuah theih lohna chhan pawh hi buaipui tham a ni a. Mi thenkhatte chu second 30 lek pawh ding taka Lalpa lam ngaihtuahin an tawngtai thei lova, an buai hial thin a ni. Hetianga kan awm thin nachhan hi Lalpa kan dah pawimawh hmasak ber thin loh vang a ni. Kei pawhin hetiang hi ka lo tawng tawh a. Lalpa lam ngaihtuah ding theihna min pe tura Lalpa kan dil a, kan tawngtai thin a ngai a ni.
Tunah hian, i nuna Pathian dah pawimawh hmasa ber tura ka tih che hian i nunah thildang ngaih pawimawh hmasak i nei ngei ngei ang. Chuvangin Pathian chuan i nunah khan thildang aiin Amah hi ngai pawimawh hmas ber turin a duh che a ni. Pathian Thu chuan min tihnawk apiang paihthla a, Lal Isua chauh en turin min hrilh a. Kan rinna siamtu leh ti famkimtu chu i ngaihtuahna, i titi naah, i hun hman danah, leh i nitin nunah Amah chauh ena dah hmasa turin a duh che a ni.
Matthaia 22:36 ah khan thupek ropui ber chu engnge ni tiin mi pakhatin Lal Isua a zawt a.“Lalpa, i Pathian chu i thinlung zawng zawngin, i thlarau zawng zawngin i rilru zawng zawngin i hmangaih tur a ni,’ tiin a chhang a. Hemi tuma Isua sawi tum ber hi engkima Pathian dah hmasak ber thu tho hi a ni. Kan Pathian hi kan ral hmang, phuba la thin, thikthu chhia a ni a. Pathian thikthu chhiat dan hi keini mihringte kan thikthu chhiat dan dik lo ang hi a ni lo. Amah aia thildang i ngai pawimawh lutuk emaw, i innghat lutuk emaw, mihring tu emaw kha i tan Amah (Pathian) aiin a pawimawh ta lutuk emaw a nih chuan A lakbo sak loh theih loh hun che a thleng thei.
Keimahniah Pathian hian inpuanchhuah duh thin mahse, Amah hi kan hlat thin a, hun kan pe thei lo thin a, thildang kan dah pawimawh hmasa leh thin a ni. Hetih lai hian Pathian hian a duhin a ngai che a, nangmahah inpuanchhuah a duh a ni. Pathian hi i duh ang zat chiahin i hnaih thei a, A tana hun i pek phak danah a innghat a ni.
Tunah hian Pathian tana hun pek hlutzia ka sawi duh a.Pathian hi i thlarau pasal a ni a, amah nen chauha hun hmang tur i nih laia khawvel nena hun i hman tlat hian Pathian hi a lawm lo a ni.Jakoba Bung 4:4 ah chuan “….tupawh khawvel thian nih duh apiang chuan Pathian hmelmaah a insiam thin a ni” tih kan hmu a. Khawvel thil leh Pathian Ram thil ham kawp chungin hlawhtlin inbeisei suh. Thupuan 3:16 ah khan “Chutichuan, lum si lova, vawt si lova, i lum chang chang avangin ka ka ata ka chhak chhuak dawn a che” tih kan hmu a. Tunlai hunah hian Ringtute zingah khawvel nena inchawhpawlhna a nasa lutuk a, kan Kristianna pawh a dal zo tawh a ni.
Mi tam tak chu Pathian tan kan inhlan thar a, kan hlim em em a, mahse reiloteah kan nunhluiah bawk kan kirin tlu lut leh thin a ni. Hei hi a chhan chu khawvel nena kan inthianna kan kalsan phal loh vang a ni fo. Pathian rawng hi kan bawl dawn a nih chuan thinlung takin, thatho takin, phur takin chakna nen i bawl ang u.
A tawp ber atan chuan Pathian hian A Thlarau keimahniah chen tir a duh a, min ngai a, thik hial khawpin min hmangaih a nih hi.Pathian hi thikthu chhia a ni a, Amah i ngaihsakna leh ngaih pawimawhna kha A duh ber. Thildang aia Amah ngaihsak ber tur leh i ngaihtuahna leh hun zawng zawng Ama tana hmang turin a duh che a, A sawm reng che a ni. Thildang zawng aia Amah thlang turin leh A tana inpe turin a duhin a sawm bawk a che….
Lalpa ropui ber rawhse, AMEN