Inkhawmna a kan kal hian eng hi nge thalaite hian kan rilru ah awm thin ang aw tih hi ka rilru ah a awm fo thin. Thenkhat chuan kan taksa damna atante, thenkhat chuan kan nun hahchawlhna atante, thenkhat chuan Lal Isua min hmangaihna avangte, Lalpa fak tur leh amah chawimawi turte in, chhan tam tak a awm ang. Inkhawm kan kal tur kan beisei danah hian kan Inkhawm hlawk pui leh pui loh hi thui takin a in nghat thin. Inkhawma mipuite kan tel ve theihna Kohhran in min siamsak Pathian fak leh Pathian thu ngaihthlakna ah te hian hei aia nasa zawk hian kan chanvo a ni tih hriain hnehsawh takin in hlenchhuak ila. Hei ai hian kan Inkhawm hi a hlungin, a nawm ka ring ve tlat. Kan ta a nihna hi kan hriat loh avangin, Inkhawm hi a ro in, a lo nuam lo mai thin a ni. Kan chanvo hi hlim tak leh Lalpa lawmtlak ni turin mipui lamte pawhin tan la ila. Lalpa lawmtlak a nih phawt chuan Kohhran Inkhawm nuam tak kan nei thei ngei ang.
