Ngaihthlâk
Rbt. H.Lalroluahpuia
BCM Electric Vêng, Lunglei
Chanchin `ha Luka 10: 41-42 kan en chuan, thil tam tak a ngaihtuah avânga Marthi buai thu leh Isua’n a zilhhauna thu kan hmu. Thil pakhat chauh pawimawh a hrilh bawk, chu chu amah leh a kianga awm a, a rawngbâwl a, a thu ngaihthlâk hi a ni. Vawiinah hian Lal Isua kianga awma a thu ngaithak pawimawhzia zir ho kan tum dâwn a ni.
Mari chu Lal Isua ke bulah a `hu a, a thusawi a ngaithla a; Isua a hnaih bik hlê. Hetih lai hian Marthi erawh chu hah taka rawngbâwlin a buai hlê thung. Chuvângin a thinlungah thikna a lo piang a, Isua hnênah a zualko ve ta a ni. Mahse, Isua chuan, “Marthi, Marthi, thil tam tak i ngaihtuah a, i buai a nih hi: thil pakhat chauh a pawimawh e; Mari’n chan `ha chu a thlang a, chu chu lâksak tûr a ni lo ve,” a ti ta zâwk a nih kha!
Isua hian a kianga awm a, a thu ngaithlaa, uluk taka dawngsawngtute chungah a lâwm a ni. Hretu, hriatpuitu a mawhmawh pawh a ni ve thei a. Ngaihthlaa, hretu dik nih hi rawngbâwlna pawimawh tak a ni tih min hriattîr a duh pawh a ni thei bawk ang.
Isua chuan ngaihthlâk hi rawngbâwlna tlingah a lo pawm reng a. Luka 10:25-11:13 inkâr thute hi Isua’n zirtîr nihna chungchâng a sawina a ni a, chute anga rawngbâwl a zirtîr laia chan `ha tih meuha a sawi chu ngaihthlâk hi a ni; rawngbâwlna hlu tak leh `angkai, hlawkthlâk leh malsâwm dawnna pawimawh tak a lo ni reng mai! Pathian âw hi a kianga mite lo chuan an hre phâk thei ngai lo.
Rawngbâwla kan hmanhlelh êm êm lai leh `hahnemngai taka kan theihna zawng zawng nêna buai taka hun kan hman mêk lai hian a rawng kan bâwl, Pathian hi kan ngaihchân leh fo a ngai a, min duhna leh min hruai a tum dân te kan hriat thar fo theih nân a âw hre tura kan insiamrem ve leh `hin a ngai bawk. Chuti ang chuan, pâwlna thar changin, thlarau thara rawngbâwlna kan tan `ha leh thei `hîn dâwn a ni.
‘Sawi’ aia ‘ngaihthlâk’ a tam chinah mihringte hian puitlin lam kan pan a ni, an ti `hîn a. Zirtîr nihna kawngah pawh hian mi puitling, rawngbâwlna puitling zâwk nei thei turin ngaithlatu kan nih ve `hin a ngai. A zirtîrte anga thiltihtheihna nen a rawngbawl thei turin Pathian âw hriat hmasak hi rawngbâwlna hlawkthlâk tak a ni reng bawk!
‘Sawi’ aia ‘ngaihthlâk’ a tam chinah mihringte hian puitlin lam kan pan a ni, an ti `hîn a. Zirtîr nihna kawngah pawh hian mi puitling, rawngbâwlna puitling zâwk nei thei turin ngaithlatu kan nih ve `hin a ngai. A zirtîrte anga thiltihtheihna nen a rawngbawl thei turin Pathian âw hriat hmasak hi rawngbâwlna hlawkthlâk tak a ni reng bawk!