Tunlai chu thalaite kuthnathawh leh mahnia intodelh lamah kan thangharh tharin ka hria a, hei hi thil lawmawm tak a ni. Youtube lamah mi thenkhat chuan in lo thlir ve thinin ka ringa, LPS kuthnathawktute huangah hian Tualte khua leh Tuipui (Champhai district) lama thalai in tel khawm te’n off season tomato thar chhuah tuma tan an han la tak tak chu thla 4 chhung lekin tomato 50 quintals chuangte mi pakhatin an han thar ta mai thin a nih kha! Hmuh an nuamin rilru an tihlim teh e. Amaherawh chu ka rilru lo nat ve thinna chu chhim lam, a bikin Lunglei district thalaite hetiang lama kawm tur an awm miah lo kha a ni. Thawh chhuah kan nei kher lo anih pawhin inchhungkhurah mi tangkai nih tal hi tum ila. A theih chin chinah taihmak i tum teh ang u. Hetiang kawnga bul kan tan ngam chuan thil dang lian zawk bei tur pawhin huaisenna kan nei ngei ang.
