TKP THUHLA
TKP Serkawn Unit chuan Platinum Jubilee pual souvenir magazine hming tur hi Kohhran member a duh apiang tan thawh theih a ni a, hming hrang hrang lut khawm atangin souvenir sub-committee chuan pakhat a thlang chhuak dawn a ni.
Souvenir magazine hming tur thehlut duh chuan Pu R. Laltlansanga
(Ph-9862788123) emaw Nl. Deborah Zonunpuii (Ph-8132841044) hnenah thehluh theih a ni ang. February thla ral hma ngeia thehluh tur a ni.
TKP Platinum Jubilee pual sport leh in tihhlimna hrang hrang atan member-te colony pathum atangin in chawhpawlhin group pali siam a ni a. He group hi Platinum pual chauh a ni tih kan in hriattir a ni.
TKP member tlawh chhuahna hun hman tan a ni leh tawh dawn a. TKP executive Committee leh Programme Committee te chu group 11-ah in semin TKP member awmna in tinah TKP rawngbawlna a tel tur leh Kohhran programme a thahnem ngai taka tel tura insawmna leh tawngtai saknan hun hman a ni ang. Exam inbuatsaih tibuai lo tura hun hman tum a ni.
SUNDAY SCHOOL THUVAWN
Beginner : LALPA malsawm dawngtu in ni, Ani chu lei leh van siamtu a ni. Sam115:159
Primary : “Aw Lalpa Pathian, engkimtithei, I thiltihte chu a ropuiin a mak a.” Thupuan 15:3
Junior : “Mi dang tu ma hnenah chhandamna a awm lo; van hnuaia mihring sak zingan, min chhandam tur hming dang reng a awm lo,” a ti a.
Tirhkohte Thiltih 4:12
Baptistma : “Kei Alpha leh Omega ka ni,” Lalpa Pathian, awm meka leh awm tawha leh lo la awm tura, Engkimtitheia chuan a ti a ni. Thupuan 1:8
Intermediate: I hnenah lawmthu ka hrilh ang che, hlauhawm tak leh mak taka siam ka ni si a; I thiltihte hi mak tak a ni a; chu chu ka nunna hian a hre chiang hle a ni. Sam 139:14
MIZORAM BAPTIST MIPA PAWL INKHAWMPUI
Mizoram Baptist Mipa Pawl (MBMP) Inkhawmpui vawi 2-na chu South Vanlaiphaiah February 13-15 , 2026 chhung hian neih a ni dawn a ni. Inkhawmpui thupui atan ‘Khawvel Mamawh Isua Krista’ tih chu hman a ni dawn a. Speaker atan Rev Dr. Lalthlamuana General Secretary, BCM, Rev F. Lalfakzuala, Secretary, MBMP, Rbt. Chawngrolura Chawngthu, MBMP President leh Upa Joseph Lalrindika Chawngthu, Senior Advisor MBMP te an ni ang.
MISSIONARY REPORT
Vawiinah hian Lalkura Kohhranah ringthar ten ringtu Baptisma changtur an awm a. Baptisma programme neih a ni dawn. Lalkura hi Kan Missionary Pu LH Langhakmawia te lawina Kohhran a ni.
Boro leh Santhal kara buaina avangin rawngbawlna thenkhat kalpui hleihtheih loh a awm a, local evangelist-te pawh Boro ho awmna kaltlang ngai rawngbawlna a awm avangin a bik takin zan lamah rawngbawla chhuh an ngam rih lo a ni. Kohhran ten tawngtainaah kan dinpui zel dawn nia.
TUARPUINA
Kan Kohhran member duhawm tak Upa R. Laihnuna, kum 92 chu Dt. 2.2.2026 Thawh`an Ni khan Pathian hnena chawl turin chatuan ram min pan san ta a. A kalsan a nupui, a tu leh fate kan tuarpui hle a Pathianin awmpui che u rawh se.
BCM, Ramzotlang Kohhran member duhawm tak Upa VL. Ngena, kum 95 chu Dt. 6.2.2026 Zirtawp Ni khan Pathian hnena chawl turin chatuan ram min pan san ta a. A kalsan a nupui a tu leh fate kan tuarpui hle a Pathianin awmpui che u rawh se