TKP THUHLA
⇒ Serkawn Unit TKP te’n kumina kan Annual plan zinga pakhat ‘Thilpek hmanga luan chhuah a tam thei ang ber neih’ tih chu a bawhzuina atan hma lak chhunzawm a ni a. Kan TKP member missonary-a kal mek te pahnih Tv.H.Lalruatfela leh Tv. PC.Malsawmdawngkima te thawhna hmunah a mamawh te tan thawmhnaw eng emaw zat TKP member-te Kohhran member thahnemngai tak tak pek khawm atangin pek a ni. Thahnemngai taka thilpek petu zawng zawngte hnenah lawmthu kan sawi e.
⇒ Dt.18.12.2021 (Inrinni zan) khan kumin TKP annual plan-te zing ami Christmas Carol chu hlawhtling tak leh nuam takin hman a ni a. Hun rei tak hnua Pathian fak zai hona leh inpawl hona kan nei thei a, a hlimawm hle a ni. He hunah hian mi 145 vel zet kan kal khawm a ni.
KRISMAS CHIBAI BUKNA
Pathian awmpuina leh hruainain kumin kum 2021 Krismas kan lo thleng leh dawn ta reng mai! Min awmpuina leh min hruaina zawng zawngah A hnenah lawmthu awm se. Kumin chhunga lusun chhungkua zawng zawngte he hunpui lo thleng turah hian Pathian thlamuanna leh awmpuina chang turin kan duhsak che u a. Kohhran member zawng zawngte Krismas lo thleng turah hian damna leh hriselna tha neiin, hlim leh him taka Krismas hmang theuh turin Juniper Editorial Board chuan duhsakna kan hlan a che u. Krismas Chibai vek u le.