THUHLA

STK THUHLA
⇒ Pathianni hmasaa khan Pathian Ram Thilpek (August) chhiar fel a ni a. April – August, thla 5 chhunga Hqrs target kan pek tur chu kan Kohhran hian Rs. 1,56,650-in kan tlin zo rih lo va. Kan Bial bik hian thla 4 chhunga kan pek tur hisap hi Rs. 789,440-in kan tlin lo mek a ni. Hemi thuah hian Serkawn Bial Executive Committee chuan, Tualchhung kohhran tinte chu hei hi hre tlanga, a theih ang anga kan tan zel hi thain a hria a, chu chu kan han puangzar a ni e. Envelope-a PRZ leh Ramthim Head te leh Buhfaithamte hi Hqrs. target atan a ni tih hre thar lehin, helam atan tan kan lak thar theih chuan a lawmawm hle ang. Chhung tinte inpekna azarah kum tawpah chuan kan target hi kan tlin ve ngei ang tih erawh chu kan beisei tlat a ni.
⇒ September thla hi Beirual thla a lo ni leh dawn ta. Biak inah Beirual thuzir kan zirho thei lo mai thei a; eng pawh ni se, chhung tinin mahni inah kan lo zirho theih nan kumin Thuzir bu, “Isua Zuitu Rinawm” tih chu bialtuten in tinah an rawn sem mek a. Hlawkpui ngei turin chhung tinte kan induhsak e.
⇒ Biak In sak mek report : Dt.14.8.2021 khan sunken floor chhun fel a ni leh ta a. Mistiri chhawr lai mekte an khaw lamah an haw avangin kan veng mistiri leh helper-te nen tluang taka chhun zawh fel theih a ni a. A lawmawm hle a ni.

SERKAWN TUALCHHUNG KOHHRAN
Pathian Ram Thilpek : August 2021

TARGET TUAKNA

April – August (2021) Pathian Ram Thilpek dan tlangpui