THUHLA

STK THUHLA
⇒ STK Committee aiawhin STK OB meeting Dt 4.6.2021 khan neih a ni a. R&D account atanga pek turin hengte hi rel a ni.
(i) Kan kohhran member damlo, damdawi ina awmte leh hmun danga inenkawla kalte kanna atan Rs. 16,000 ruahman a ni.
Covid hripui do nan kohhrante hi a theih ang anga luanchhuah ve tulin hriat a ni a:
(ii) Serkawn VLTF-te chhun thingpui in nan Rs. 5,000.
(iii) Electric veng, Lunglei VLTF tanpuina Rs. 10,000.
(iv) Tlabung VLTF tanpuina Rs. 20,000.
(vi) BCM Covid Relief Fund atan Rs. 20,000
AGS (Mission) chuan a hawng.
⇒ STK Mission a/c atanga pek turin hengte hi rel a ni bawk:
(i) Missionary Isaac Rochunglura chhungte tanpuina Rs. 10,000.
(ii)Non-Mizo Biak In (Masihi Sangiti) Lunglei Venghluna mi sak that nan AGS Mission-in Rs. 60,000 min rawn ngen a, tihhlawhtlin tum a ni.

BCM THUHLA
⇒ Rev. V. Lalthlamuana, Lecturer, Jubilee Bible School chu Dt. 1.6.2021 zing dar 8:15 khan, Rabindranath Tagore Institute of Cardiac Sciences, Kolkata-ah kal natna (Kidney failure) avangin chatuan ram min pan san ta. Rev. V. Lalthlamuana ruang hi Dt. 2.6.2021-ah Mizoram panin rawn phurh haw a ni a, Dt. 3.6.2020 (Ningani) zing dar 2:30-ah a chenna in rawn thlenpui niin. Hemi ni vek chawhma dar 11:00-ah BCM Biak In, Zotlang-ah vuina Inkhawm neiin Zotlang thlanmual-ah thlah liam a ni.
A kalsan tak a nupui leh a chhungte Lalpan thlamuanin awmpui rawh se.

⇒ Pu C. Lalzarzova, LDC, R&D Department, BCM chu Dt. 10.6.2021 (Ningani) tlai dar 3:50 p.m. khan a chenna BCM Quarters, Ramzotlang, Serkawn-ah Nerve natna avangin chatuan ram min pan san ta. Zan-ah tlaivarpui niin, a tuk, Dt. 116.2021 (Zirtawpni)-ah vuiin, Serkawn thlanmuala-ah ropui taka thlah liam a ni. Vuina Programme hi an chenna Quarters-ah neih niin, Upa K. Rochungnunga’n a kaihruai a. BCM aiawh-in Rev. R. Lalbiakliana, AGS (Service)-in thu sawiin, chhungkaw aiawh-in Pu C. Lalzarzoa nau, Pu Lalrinchhana’n thu a sawi bawk. Rev. V. Laltlanzuala, Bialtu pastor, Serkawn Bial-in vuiin thuchah a sawi a, Rev. R. Lalbiakliana’n malsawm tawngtaina-in vui inkhawm a khar hnu-ah thla lakpui niin, thlanmual lam panpui a ni a. Thlanmuala-ah Rbt. R. Vanlalthiana, BCM Ramzotlang-in tawngtaiin a thlah liam ta a ni.