BKHP Pual
(BKHP dincham Dt.2.5.2021 pualin)
Thutiam:
“Ka Lalpain tih tura mi ruatsak apiang chu ti turin ka inpeih reng e,” (Hei hi G.A. a nih lai atanga tun thlengin BKHP thutiam a ni)
BKHP din chhan:
BKHP din chhan chu “Pathian ram a lo zau zel theihna tura Kohhran, khawtlang, leh chhungkuaa rawngbawl hi a ni”.
A thil tum te:
i) Pathian thu hriatna leh rinna kawnga hmasawn
ii) Kristian chhungkaw din.
iii) Pathian thua fate kaihhruai
THUHLA
⇒ Pathianni hmasa khan chhungtin ten Pathian ram tana kan thilpek chhiar fel a ni a. Hmuh dan tlangpui hetiang hi a ni :
PRZ + RT+Bft (Hqrs-a lut)= Rs. 14,59,930
Tualchhunga lut = Rs. 9,73,240
A vaiin = Rs. 24,33,170
Tun thla a pek tur hisap atangin Rs. 1,59,930 in kan khum nghal pang a, a lawmawm hle mai. Thawhlawm Envelope chhiar leh hun atan 16.5.2021 Pathianni ruat a ni.
⇒ Vawiin Pathianni, May 2, 2021 hi Baptist Kohhran Hmeiche Pawl (BKHP) din champhaphak vawi 83-na a ni a. Kumin BKHP Day thupui chu “Tho la, i Pathian ko rawh”, (Jona 1 : 6b) tih a ni. Nikum ang bawkin, kuminah pawh BKHP Day hi Covid-19 hrileng avanga ram pumah Puipun leh Inkhawm khap a nih avangin kum dang angin hun hman theih a ni leh dawn ta lo a. Amaherawhchu, Headquarters atanga tawngtai thupui buatsaih sa hmangin mahni remchan dan anga Pathian hnena lawmthu sawina leh tawngtaina hmang theuh turin Headquarters chuan a chah a ni.
⇒ May 10-16, 2021 chhung hian Kristian Chhungkaw Chawlhkar hman tur a ni a. Thuzir bu in tinah rawn sem a ni ang. Chhung tinin hlawkpui ngei tura zir kan tum dawn nia.
INNEIH LAWMPUINA
Kan member pui R. Lalramthlengi d/o H. Laltlanthangi chuan dt.29.4.2021 khan Kohhran dan puitlingin pasal atan T.Lalsangliana s/o T.Lalramnghaka, BCM Chanmari, Lunglei a nei a. Kan lawmpuiin Pathian malsawmna dawnga Kristian chhungkua din turin duhsakna kan hlan e.
Tawngtaipui ngai leh lawmthu sawina:
* Pi Lalthanpari (Partei), W/O Rev. R. Lalrintluanga, Regional Director Kolkata chu kan hnung deuh atanga a damloh avângin RT-PCR test an ti a, result a lo positive hlauh mai. Tunah hian Tagore Hospital-a admit tûrin inbuatsaih mêk a ni.
* Pu CL. Remruata, OA, Kolkata-te chhungkua hi an chhûngin an damlo bawk, an result a la chhuak lo.
* TC. Lalremruata, Jharkhand missionary (amaha awm) chu kan hnung deuh atang khan a damlova, a result erawh a ngative hlauh a. I tawngtaipui ang u.
* Rev. Joe Laldinpuia chu a positive na kar khat a ral hnuin RTPCR test leh a ni a. Vanduaithlak takin a la positive tlat mai a. I tawngtaipui ang u.
* Pi Debbie Zirthanpuii w/o. Rev. PC. Zosangliana chu Covid 19 +ve avângin Dt. 28.4.2021 khân Damdawiinah an in admit fel a. I tawngtaipui ang u.
* Rev. K. Lalhnehliana, Jharkhan Field Director, Baptist House, Kolkata enkawl mêk pawhin Negative result a nei ta e. Pathian hnênah lawmthu i sawi ang u.