Mizoram BKHP Inkhawmpui vawi 49-na chu Hnahthial Field-ah neih mek a ni a. Thupui atan “I ram lo thleng rawh se” tih a ni. Kan Tualchhung Kohhran atangin BCM Hqr hruaitu leh BKHP member engngemaw zat an kal.
Vawiin hi BCM Education Sunday a ni a, thupui chu “Zirna Hmanga Enna” tih a ni.
Kan Unit TKP sumtuakna envelope chhiar fel a ni a, Rs 18,650 (singkhat sangriat zaruk sawmnga) hmuh a ni.
Missionary support/ Faith Promise envelope semchhuah mek a ni a, March Thla atanga khawn tan tur a ni a. La duh, la lachhuak remchang lo kan awm a nih chuan kan unit Secretary Tv Lalruatkima Renthlei hnenah emaw Assistant Secretary Tv Lalbiakmuana Ralte hnenah emaw lam theih reng a ni.
Dt 14.2.2015 (Inrinni) khan Tualchhung Kohhran buatsaih Kohhran pum huap inpawlhona Sunday School Hall-ah neiin nilenga hun hman a ni a. STK chairman Upa F Aihranga’n chawhma hun kaihruaiin chawhnu hun chu Upa C Laldingliana, Chairman Elect-in a kaihruai a, Upa PC Rochungnunga leh Upa Lalrinmawia te paper zirhona neih a ni a. Inpawlhonaah hian Fellowship Organisation hrang hrang hruaitute an tel a ni.
Bial TKP hruaitu ten kan bial chhung unit hrang hrang an tlawh programme kalpui mek zel a ni a. Pathianni hmasa khan Bial aiawha Zohnuai Unit TKP tlawhnaah kan Vice President Pu K Lalmuanpuia leh Fin. Secy Tv L Lalrotluanga te Zohnuaiah an kal. Vawiin hi Bial hruaitute’n kan unit min rawn tlawh hun a ni a, kan khawtlanga chhiat kan tawh avangin thulh a ni a, remchang dang atan sawn rih a ni.
Main Project….
Serkawn Tualchhung Kohhranin kum 2015 atana inkaihhruaina (Planning & Guideline for the year 2015) a siamah chuan hengte hi kumin chhunga kan Kohhranin thapui kan thawhna tur (Main Project) atan a chhawpchhuak a ni:
1. Midangte Krista hnena hruai
2. Inkhawmpui dawl tura inbuatsaih
3. Biak In thar sa tura inbuatsaih
Kan Kohhran thil tum te a hlawhtlin nan Kohhran member te’n tawngtaina tam leh zual i hmang ang u.
KOHHRAN ENVELOPE (FEBRUARY 2015)
February 2015 a, chhungtin ten Pathian ram tana kan thilpek Envelope lakkhawm kha chhiar fel a ni a. Hetiang hi kan thawhlawm tlingkhawm chu a ni:-
PRZ : Rs. 360,830.00
RT : Rs. 206,750.00
KHE : Rs. 86,120.00
Biak In Thar : Rs. 132,160.00
Building Maint: Rs. 52,260.00
R & D : Rs. 59,530.00
Hunpui : Rs. 51,880.00
Mission : Rs. 58,545.00
Inkhawmpui : Rs. 60,830.00
S.Total : Rs.1,068,905.00
Buhfaitham : Rs. 64,810.00
G.TOTAL : Rs.1,133,715.00
Hqrs. Target
2014-15Target : Rs. 7,100,000.00
Thla 1 Target : Rs. 591,667.00
Tun thlaa lut : Rs. 632,390.00
Lut tawh zawng: Rs. 6,827,708.00
Thla 11 target khumna: Rs. 319,375.00
La mamawh zat: Rs. 272,292.00
Envelope sem – 255
Envelope lut – 219
Envelope lut % – 85.88%
(Envelope hi Dt 15.3.2015 ah chhiar leh tur a ni ang)
BMP Hriattirna
BMP Serkawn Unit te chuan Dt 24.2.2015 (Thawhlehni) Zan Dar 7:00 hian kan member Pu Lalrammuana ralna hun hman tur a ni a, member te kim taka kal turin kan inngenin kan in hriattir a ni.
– Secretary
BMP Serkawn Unit