Kum 2020 MTKP Thurel tlangpui:
1. Mizoram chhung leh pawna Baptist Thalai pawl dangte nena rawngbawlna leh thawhhona kawng zawn thu.
2. Kum 2020 chhungin MTKP Inkhawmpui, 2022 dawltu tanpui nan Unit tin vawi khat fehchhuah neih.
3. Mizo tawng humhalh leh tihhmasawn a nih theih nan MTKP in hma la rawh se.
4. Pathianin min siam chhan dik tak, MIPA leh HMEICHHIA nihna (Gender Identity) chungchang inzirtirna MTKP huapin neih nise.
5. Baptist Church Orphanage (BCO) tanpuina atan Inkhawm vawi khat thawhlawm pek nise.
6. Saisawm Sazai Baptist Thalai Kristian Pawl (SSBTKP) te nena inpalai tawn remtih a ni.
Kum 2021 MTKP Rorel hi BCM Biak In, Electric Veng, Aizawl-ah neih a ni ang a. Tin, MTKP Inkhawmpui 2022 hi Lunglawn Pastor Bial TKP ten an thleng thung dawn a ni. Kumin MTKP Rorelah hian Budget Nuai sawmpathum pawm niin Pastor Bial hrang hrangah Bial Target sem nghal a ni bawk.
Kum 2019-a MTKP hmalakna langsar zualte:
1. Internet atanga chhiar theih turin TKP member-te leh Baptist Kohhran member-te thuziak tam lehzual a awm theih nana hmalak nise tih chu, Sub-Committee hmalaknain Play Store atanga lak chhuahna Android application chu buatsaih a ni tawh bawk.
2. HATIM Mens’ Residence sakna atan TKP Unit tinah Fehchhuah vawi khat theuh neih niin Rs 6,30,229 a tling khawm.
3. Ruihhlo ngaite chhanchhuahna kawngah MTKP ten hmalakna hrang hrang neiin, an puala tawngtai khaidiat buatsaih a ni a. Tin, Lunglei leh a chhehvel a Rehabilitation Centre hrang hrangah tanpuina pawisa pek a ni bawk.
4. MTKP hmalak mekna Career Guidance pawh neih chhunzawm niin, bial leh Unit hrang hrangte sawm angin MTKP hruaitute an kal thin.
5. Voluntary Blood Donation hi Lunglei, Aizawl leh Lawngtlai Area-ah te Blood Donation Calendar siamin kalpui thin a ni.
6. MTKP Thuzir 2020 atan ‘Thalaite Nun Kawng’ buatsaih fel a ni.
TKP THUHLA
⇒ Colony hrang hrangah Convener ten kumin kum 2020-a TKP member chhiar fel hna an neih chu zawh fel a ni ta a. Tun dinhmunah hian Serkawn Unit-ah hian member 520 kan awm mek a, heng zingah hian mi 80-te hi dual member nihna nei an ni a. Tin, Junior TKP member mi 80 te heng zingah hian an tel bawk a ni.
⇒ TKP Missionar support (Faith Promise) chu March thla atang hian khawn tan tur a lo ni leh ta a. March thla thawhtan zan TKP inkhawm vawi 2-naa chhiar fel hman tura khawn tur a ni. Member tin ten thahnemngai takin pek tum ang u.
⇒ TKP ten sumtuakna hnar pawimawh taka kan neih pakhat thehkhawm vawi khatna chu tun Pathianni lo awm tur 8.3.2020 hian colony hrang hrangah neih a lo ni leh dawn ta a. Member tinte mahni awmna colony theuhah thahnemngai taka tel turin kan in ngen e.
A hnuaia hnu leh hmun tarlanah hian BMP Serkawn Unit chuan rilru, taksa, thlarauah te, hmasawnna kan neih theih nan Booth Camp a nei dawn a. Member-te he Booth Camp-ah hian lut vek turin kan insawm e. Zan khat riak a hun hman tur a ni a, Camp-a lut turte chu riak lut vek turin kan inhriattir nghal e.
A hun : Dt. 6th -7th March, 2020
Luh hun : Zirtawpni chawhnu Dar 1
Chhuah hun : Inrinni Zing Dar 8
Resource Person : Nl. Rebek Lalruatdik Khiangte
Secretary
BMP Serkawn Unit