⇒ Dt. 3.1.2020 (Zirtawpni) khan TKP Office Bearer-te chuan charge an inhlan fel ta.
Dt. 4.1.2020 (Inrinni) 10:00 AM khan BKHP Office Bearer-te pawn charge an inhlan fel bawk.
Dt. 4.1.2020 (Inrinni) vek hian STK Office Bearer-te pawhin charge an inhlan fel ve bawk.
⇒ Kumin Kumthar Mual Programme chu hman kan tum hunah khuain min bumro tak avangin Dt. 2.1.2020 (Ningani) khan hman a ni a. Programme hlung leh hlimawm tak hman anih bakah eitur tuihnai tak tak te pawh awmin, Serkawn mi leh sa mai bakah Lunglei khawchhung veng dang leh khual khua atangin chhimtu mi engemaw zat an awm bawk.
INNEIH SAWMNA
Kan fanu Sarah B.Lallianpuii leh H.Lalmuanzuala te chu ni 9.1.2020 (Ningani) dar 2:00 P.M.-ah The Salvation Army, Ramthar Corps (Sihpui), Aizawl-a dan puitlinga an inneihna min hriatpui tur leh min lawmpui turin kan sawm a che u.
Ni 6.1.2020 (Thawhtanni) dar 2:00 P.M.-ah Serkawna Sarah.B.Lallianpuii thlahna Programme min hmanpui tur leh chawhlui min kilpui turin kan sawm bawk a che u a ni. Serkawnah sawmna card hranpa sem anih dawn loh avangin hei hi sawmnaa min lo pawm sak turin khawtlang leh Kohhran mi zawng zawng kan sawm che u a ni.
A hmun: Dr.B.Laldinliana Quarters, Serkawn
Dr.B.Laldinliana leh Lalthankimi Sailo
Serkawn
Kum thar 2020 kan lo thleng leh ta, kum thar min hruai thlengtu Pathian hnenah lawmthu sawi ila, he kum tharah hian midangte tana Malsawmna ni thei tur leh kumhlui aia Pathian tana nasa zawka ke pen thei ngei turin Juniper Editorial Board te chuan duhsakna kan hlan a che u.