TUAL CHHUNG KOHHRAN THU THAR
STK committee chuan Mission committee ruahmannain Mission Field ramchhung leh ram pawnah hetiang hian tanpuina a pe:
1. Missionary pathum (3) ten Rs. 1,000/- theuh thawha an chawm thin, Tuikawia thawhtu pakhat Rs. 3,000/- hlawh chu October – December, 2019 chhung atan a hlawh tur Rs. 9,000/- pe in missionary-te chhawk zangkhaina tur a ni.
2. Tlabung bul Nunsuri-a thawktu quarter-a dah tur tuizem 2,000 litres dawng Rs. 12,000/- man an lei.
3. Pu K.Lalengmawia, Bhutan Field, a thawhna hmuna ringtute conference (Inkhawmpui ang ve deuh) an neihna tura ringthar kal turte kal leh hawna senso (TA/DA) ve atan Rs. 15,000/- pek a ni. Ring thar hi kuminah 60 chuang deuh an nei a; budget an siam laiin ringthar awm zat tur an hre si lova, an budget-in a daih lo nasa hle a, hemi phuhrukna tur hi a ni. Conference hi 14th – 15th Dec, 2019 chhunga neih tur a ni.
4. Tv. Lalrinsanga thawhna Arunachal Thoelogical College (Itanagar)-a dah tur an mamawh tak water cooler leinan Rs. 25,000/- pek a ni bawk.
5. Tripura Field, Dulukma, Pu C.Lalremsanga thawhnaa Leadership Seminar an neihna atan an indaih lohna phuhrukna tur Rs. 10,000/- pek a ni bawk.
⇒ Tualchhung kohhran chuan 2020 Plan & Budget siamna tura kaihhruaina a siam a; chumi bawhzui chuan TKP, BMP, BKHP, KNP, Jr. TKP leh STK hnuaia sub-Committee tinten detail Plan & Budget 2020 siam theuh turin a ti a. Detail Plan & Budget chu Dt. 24.11.2019 aia tlai lovah STK Secretary hnenah thehluh tur a ni a, chu chu STK Committee-ah an lo enho leh dawn a ni.
⇒ BCM Bungtlang West chuan kan kohhran hi Camping neih sak turin an rawn ngen a. Dt. 2nd-7th Dec, 2019 chhunga neih tur a ni a; sum leh Speaker & Counsellor intum tur a ni. An rawn ngenna hi tihhlawhtlin ngei tumin hmalak mek a ni.
⇒ Kan Unit TKP ten bial pawn fehchhuah Champhai Kahrawt Unit-a neih mek chu Dt.8.11.2019 khan Serkawn an chhuah san a, member 55 vel an kal a ni. Naktuk Dt. 11.11.2019 hian an rawn let leh ang. Kan Unit atang hian Upa Z.D.Lalnunmawia, Sr. Adviser te, Tv. Lalruatkima Renthlei leh Pu K.Zodinsanga ten thuchah an sawi ang. Tluang taka an programme-te an hman theih nan tawngtaina lamah i hre reng ang u.
STK BIAK IN SAKNA THAWHLAWM LUH DAN
(January – September 22, 2019)
Thla tin envelope : Rs. 23,39,235
Zing inkhawm thawhlawm : Rs. 7,33,690
Zan inkhawm thawhlawm : Rs. 2,19,598
Total : Rs. 32,92,523
Envelope hi vawi 9 sem tawh a ni a, thla tin Rs. 2,59,915 thawh ang kan ni.
Zing inkhawm hi vawi 34 a awm tawh a, inkhawm apianga Rs. 21,589.10 thawh zel ang kan ni.
Zan inkhawm hi vawi 32 a awm tawh a, inkhawm apianga Rs. 6,862.44 thawng ang zel kan ni.