Serkawn Tualchhung Kohhran chu Baptist Youth Federation of India (BYFI) inkhawmpui lian, National Youth Conference 2015 dawl turin a inbuatsaih nasa ta hle a. Tunkar liamta khan tuk tin deuhthaw pandal sak hnatlang thawh a ni. Chanchin kan lakkhawm lai hian April Ni 23-26 a neih tur BYFI Inkhawmpuiah hian mikhual 700 vel thleng turin beisei a ni a. Mikhual tam tak a khawma thlen tira common mess pek an nih dawn bakah engngemaw zat chu Tualchhung Kohhran chhungkuate hnenah thlen tir tura ruahman a ni a. Kawng hrang hrangin Kohhran member ten tih tur kan ngah dawn hle a, mimal, chhungkua leh FO te pawh in Pathian rawngbawlna a ni tih hriaa Kohhran hruaitute tih tur min tuk te Pathian ropui nana hlenchhuah zel kan tum theuh dawn nia.
BCM General Secretary Rev H Lianngaia leh BCM-a thawktu Pu K Larohlua te chu Kolkata-ah BCM thil pawimawh tifelin an kal a, nimin Inrinni khan GS hi Senate of Serampore meeting pawimawhah a tel nghal bawk a ni.
BCM Assembly-in a rel angin BCM Buarpui Bial ni thin chu BCM Buarpui North leh Buarpui South Bialah te then a ni dawn a. Bial hawnna inkhawm hi vawiin hian BCM Biak In Buarpui Ramhlun ah neih a ni dawn a, BCM Pastoral Coordinator Rev R Zohmingliana’n inkhawm kaihruaiin Rev Lalthangliana Hnamte BCM President Elect chuan Bial thar hi a hawng ang.
Rev V Vanlalchhunga chu Evangelical Church of Maraland (ECM) Kohhran Assembly hmanpuiin Saihaah Upa Saihranga Theiriat nen an kal a. ECM Assembly hi Dt 18.3.2015 khan tan a niin zanin thleng a awh dawn a ni
Thla ruk vel lai kan bula lo khawsa tawh BMS Action Team te chu helaia an hun hman te a lo zawh dawn tak avangin Pathianni hmasa (Dt 15.3.2015) zan inkhawm kha anmahni pualin, anmahni thlahna inkhawm atan hman a ni a. Upa Dr KL Biakchungnunga’n inkhawm kaihruaiin Action Team member ten sharing tawi leh lawmthu sawina an nei a, Tualchhung Kohhran atangin anmahni kan uizia lantir nan Inpe Chei leh citation pek theuh an ni. Kan zingah hun engngemaw chen an awm a, khawtlang leh Kohhrana an tangkainate, entawn tur tam tak min hnutchhiah te avangin kan lawm em em a ni.
Missionary Furlough
BCM Missionary furlough hmang mek kan hriat theih te chu:
T Thangzela, (West Bengal Field) Hnahthial North Bialah
H Lalbiakfeli (Serhuan) Kolasib Bialah
J Lalrinawmi (West Bengal Field) Aizaw East Bialah