STK THUHLA
⇒ Tun chawlhkâr Inrinni (Dt.6.11.2021)-ah hian Serkawn Tualchhûng Kohhran Committee meeting neih tur a ni a; report tûr leh Agenda tûrte nei kan awm chuan Ningani (Dt.4.11.2021) zan dar 700 aia tlai lovah Secretary hnênah theh luh ni se a lâwmawm hle ang.
⇒ Sorkar UD & PA Department hmalâknain Mizoram Khawpui fai inelna leh District chhûng vêng fai inelna neih a ni dâwn a. November thla chhûng hian an rawn endik dâwn a ni. Hemi avâng ni kher lo pawhin ‘vêng fai, khawtlâng fai leh thianghlim’ nihte hi a tûlin a tha hrim hrim a. Chuvangin mi tin, chhûng tin, mahni in leh a vêlte fai taka enkawla cheibawl theuh turin VC te pawhin min ngen a ni. Hei hi thahnemngai takin i umzui theuh ang u. Thla tâwp lamna tihah khêk lovin naktûk atangte hian a tan thei chuan faina kawngah hma i la nghâl suau suau mai teh ang u. Fai hi Serkawn nen hian a inhmeh hrim hrim e.