THUHLA

STK THUHLA

⇒ Kar hmasa Dt. 20.6.2021(Pathianni) khan Kohhran chhungtin ten Pathian Ram Thilpek (June) kan pek chu chhiar fel a ni leh ta a. Thilpek kan pek dan report kimchang phek hnung lamah tarlan a ni e.
⇒ Vawiin Dt. 27.6.2021 (Pathianni) hi Sunday School kum chanve exam ni a lo ni leh ta reng mai. Amaherawhchu, Sunday School pawh a huhova neih hleih theih a nih tak loh avangin zirlai bu neite chuan a remchan ang angin mahni pawhin zir hlawm ila kan sawtpui ngeiin a rinawm.
⇒ June thla chhunga chhungkaw thenkhat ten Pathianni chhung inkhawma thawhlawm an thawh thin, Tualchhung Kohhrana an thehluh tling khawm chu Rs. 36,020 a ni.
⇒ Audit chungchang: “STK, STK Sub Committee leh Fellowship te account hi kum chanveah auditor ten an sum awm dan enpuiin a tul apiang inkawhhmuh a ni ang,” tih a ni a. Covid-19 hri leng avangin kuminah hian Half yearly audit chu neih theih lohvah ngaih a ni a. Amaherawhchu, Account vawngtuten harsatna kan nei emaw, enpui tulnate a awm emaw a nih chuan Auditor-te hriattir ni se, a tul angin annin an enpui ang, tih a ni e. Chutianga mamawh kan awm chuan Upa Jonathan Lalremruata, Convener, STK Account Audit team 2020-2021 hriattir tur a ni e.
⇒ Kan kohhran member Upa HL. Liantluanga te chhungkua member 6 te chuan Lunglawna anmahni in lamah min awmsan leh ta a; chutih laiin Dr. David Lalsangliana te chhungkua, member 6, PCI Serchhipa member-te chu an hnathawhna avangin Serkawnah an rawn awm a. Kan kohhranah Associate member atan lawm takin lak luh an ni tih Kohhrante kan inhriattir e. Anni hi Chapman Colony-ah an chhungkuain an khawsa mek a ni.

BCM THUHLA

⇒ Mizoram Boarad of School Education (MBSE)-in Higher Secondary School Leaving Certificate Exam Result a tih chhuah-ah khan Baptist Higher Secondary School, Serkawn chu an ti tha hle a, Exam zawng zawng 272 atangin 253 an passed a, pass percentage hi 93.01% a ni. Candidate zingah hian Arts Stream atangin Ruth Lalruatfeli chu Mizoram pumah pariatna niin, Commerce –ah Noel VL Zikpuii Pachuau chu pangana a ni bawk.

⇒ Mizoram Baptist Kohhran, Administrative Committee-in, “Covid-19 Relief Fund siam ni se,” tia a rel chu Bial leh Tualchhung Kohhranah te bawhzuia, hmalak chhoh mek zel a ni a. Mimal, Tualchhung Kohhran leh Fellowship atang tein thilpek a lut mek zel a. Dt. 23.6.2021 thlenga Kohhran, Fellowship leh mimal te hnen atanga Covid Relief Fund lut tawh chu Rs. 12,94,568 a ni a. Kohhrana thawktu te nikhat hlawh atanga lut cheng Rs. 12,27,726 belh khawm nen a za vaiin Rs. 25,22,294 a lut tawh a, heta thawktute nikhat hlawh tihah hian Pensioner te an la tel lo a ni. Kohhran, Fellowship leh Mimal thilpek petu te chungah BCM Administrative Committee in lawmthu a sawi a ni.

SERKAWN TUALCHHUNG KOHHRAN
Pathian Ram Thilpek : June 2021

TKP Serkawn Unit member HSSLC (2021) pass tharte